Brenner du for varehandel? Elskar du sal og får energi av å yte topp service? Let du deg inspirere av interiør, tekstil, møblar og trendar? Trivst du òg med å få dine daglege steg i løpet av ein arbeidsdag, og at ingen dagar er like? Då er vi i Kid kanskje ein perfekt match for deg!

Butikken vår i Ørsta søkjer ein ny butikkmedarbeidar i 11 % stilling.

Vi søkjer etter ein seljar som utan å nøle møter kundane våre, kollegaene og leiaren med eit stort smil og eit «hei». Du utstrålar energi og blir gira av å levere gode resultat. Du er i tillegg dedikert og fleksibel, og er ikkje redd for å ta på deg nye oppgåver og ansvar.

Vi har spurt kollegaene våre om kva som er det beste med å jobbe i Kid, og dei svarar:

«Kid har gode verdiar og evnar å sjå enkeltindividet.»

«Det er enkelt å lære seg å bli flink i jobben sin, og det gir ei god meistringskjensle.»

«Det blir lagt til rette for gode framtidsutsikter, og Kid er ein trygg arbeidsgivar.»

«Kid er folkeleg og jordnær, og det likar eg godt!»

Kva vil ansvaret ditt vere?

• Sørgje for at kundane våre får den beste kundeopplevinga
• Bidra til å skape ein inspirerande butikk som er kampanjeklar og bugnar av varer
• Vere ein del av teamet som ser kva som må gjerast, både stort og smått, og som tek initiativ – også før nokon spør deg
• Levere oppgåver av høg kvalitet og til rett tid
• Jobbe målretta for å nå salgsmåla

Vi ser for oss at du:

• Drøymer om ein jobb innan sal og kundeservice
• Er energisk, utadvendt og glad i folk
• På ein naturleg måte skaper gode relasjonar og god kommunikasjon med kundane våre. Derfor er det viktig for oss at du snakkar godt norsk
• Kan jobbe dag, kveld og helg, og er fleksibel når det gjeld arbeidstid
• Trivst med å jobbe ut frå eit konsept, og det er ein styrke om du i tillegg har estetisk sans
• Blir motivert av resultat og har ambisjonar på eigne og andre sine vegner
• Er «frampå», tek initiativ og likar at ingen dagar er like

Vi tilbyr:

• Ei utfordrande stilling i ei kjede med flotte kvalitetsprodukt
• Spennande karriere- og utviklingsmoglegheiter for dei som vil og kan
• Ein «levande» bransje med store variasjonar, der innsatsen til kvar enkelt tel
• Deltidsstilling som fint kan kombinerast med skule og utdanning
• Eit nettverk av butikkar over heile landet, som også gir moglegheiter for å jobbe i andre avdelingar
• Eit bonussystem for alle faste medarbeidarar som er tilsette i meir enn 20 % stilling

Med ein veldriven organisasjon og eit godt støtteapparat i ryggen ligg alt til rette for at du skal lykkast i rolla. Din næraste leiar er butikkleiaren. Du vil bli ein del av eit samansveisa team med dyktige kollegaer, både i eigen butikk, i regionen og som ein del av eit stort nordisk konsern.

NB! Ver venleg å ikkje sende søknaden din på e-post til oss. Berre søknader som blir sende inn via rekrutteringsportalen vår, vil bli vurderte. Gå inn på karrieresida vår, karriere.kid.no, for å sende oss ein søknad.