Saman med @Førde hagelag inviterar vi alle med grøne fingrar, eller dei som ynskjer å få det, til eit grønt og frodig arrangement på Storebrua/Skywalken! Arcticgardener vil halde foredraget «Plantebonanza» som handlar om korleis ein skal lukkast med grøne plantar. Korleis kan du skape ein god heim ved å ta naturen inn i stova di. Og kvifor har planter blitt så populært igjen?
Anders Røyneberg kjent som @arcticgardener på Instagram, og ikkje minst kjent frå både NRK og God Morgen Norge på TV2. Han har skrive mellom anna bøkene «Plantelykke» og «Plantebonanza», inspirerer sine meir enn 100 000 følgjarar til å leve grønare. Han har innreia heimen sin på Hadeland med hundrevis av potteplantar, og vil fortelje deg kva denne grøne plantebølgja handlar om. Han vil vise korleis du kan lukkast med å stelle, ivareta og ikkje minst velje kva for plante som passar akkurat deg.
Her får du masse grøn inspirasjon og bilde av frodige rom. Tips til godt stell om vinteren får du også. Kjærasten hans, Erik Schjerven, er medforfattar av bøkene, og stiller også på foredraget. Dei har også med ei grøn overrasking som dei vil gje til ein heldig blant publikum. Det vert også sal og signering av bøker for dei som vil. Dessutan vert det høve til å stille spørsmål om plantepleie og få dei beste grøne tipsa.
Stiklingbyte
Hagelaget vil stå på Storebrua/Skywalken mellom 15 og 16.45 for å ta imot stiklingar (dei treng ikkje vere ferdige med røter) i retur får du ein «bytelapp» per. stikling. Når stiklingbyte opnar klokka 17.00, kan du nytte «bytelappane» dine for å velje deg nye stiklingar.
NB: Husk vi vil berre ha stiklingar utan mold. Fukt papir rundt røtene/enden på planten, og legg desse i ein liten pose.
Torsdag 29. februar på Storebrua (Skywalken)
Kl. 15.00 til 16.45: Vi tek imot stiklingar
Kl. 17.00: Vi opnar for stikling-bytte
Kl. 18.00: Foredrag Plantebonanza med @arcticgardener (ca. 60min)
Førde Hagelaget vil selje lodd.
Dessutan vil mellom andre butikkane Bellis Blomster, Norli og Clas Ohlson ha stand med planter, vekstlys, bøker og anna.
Bli også med i kundeklubben til Alti Førde for ekstra rabattar denne ettermiddagen. Er du ikkje medlem? Send SMS med kodeord FORDE til 27500.
Dette arrangementet er gratis, men vi har avgrensa med sitteplassar. Så førstemann/kvinne til mølla. NB: Rikeleg med ståplassar!
Velkomen
